Gwybodaeth Sefydlu TG
Croeso i'r rhan TG o ymarfer sefydlu y Gwasanaethau Llyfrgell a Gwybodaeth.
Yma cewch wybodaeth am y feddalwedd a'r gwasanaethau hanfodol fyddwch chi'n ddefnyddio'n ddyddiol.
Sgroliwch i lawr i gychwyn arni.
Eich Cyfrif TG
Mae eich cyfrif TG Met Caerdydd yn caniatáu i chi ddarllen eich e-bost, cysylltu gyda'r wi-fi, cael mynediad i Moodle, defnyddio rhaglenni 'Microsoft Teams', cysylltu eich 'PlayStation'… bron a bod popeth fyddwch chi ei angen.
Pan wnaethoch chi ymrestru, fe gawsoch e-bost gyda'ch 'enw defnyddiwr' a 'chyfrinair' ar gyfer eich cyfrif TG.
Enw Defnyddiwr
Dyma'ch enw defnyddiwr - ST[rhif myfyriwr]. Mae rhai systemau (e.e. e-bost, Office 365) angen @outlook.cardiffmet.ac.uk ar ei gynffon, neu @cardiffmet.ac.uk (e.e. ar gyfer wifi).
Cofiwch bod eich cyfrif myfyriwr yn benodol ar eich cyfer chi. PEIDIWCH â rhoi eich manylion i neb arall.
Cyfrinair
Eich cyfrinair ydy'r allwedd i gadw eich cyfrif yn ddiogel.
Rydych chi'n gyfrifol am bopeth sy'n digwydd drwy eich cyfrif, felly peidiwch rhoi eich cyfrinair i neb o gwbl – gan gynnwys eich ffrindiau, darlithwyr neu hyd yn oed staff yr adran TG.
Mae'n syniad da i chi newid y cyfrinair cyntaf gawsoch chi wrth ymrestru. Gallwch wneud hynny drwy ddilyn y camau canlynol
Canllawiau Dewis Cyfrinair
Beth sy'n gwneud cyfrinair da? Dilynwch y canllawiau hyn a byddwch yn creu cyfrinair gwych.
Gofalwch...
- Gael cyfrinair cymhleth – rhifau a llythrennau, sydd yn gyfuniad yn o leiaf 10 o rifau a llythrennau
- Defnyddiwch ymadrodd/dywediad yn hytrach nag un gair
- Dewiswch un anodd ei ddyfalu ond hawdd ei gofio
- Dewiswch gyfrinair sy'n unigryw
Peidiwch â...
- Dewis cyfrinair rydych chi wedi'i ddefnyddio o'r blaen
- Defnyddio eich enw, rhif myfyriwr neu unrhyw wybodaeth bersonol arall (e.e. eich ffugenw)
- Defnyddio dim un o'r rhain: @ £ $ % ?
Mae'n bwysig cael cyfrinair unigryw a diogel; bydd hyn yn rhwystro eraill rhag cael mynediad at eich gwybodaeth neu anfon negeseuon yn eich enw chi.
Diogelwch TG
Er mwyn cadw eich dyfeisiadau a'ch dogfennau'n ddiogel, cofiwch wneud y canlynol:
- Amddiffynnwch eich dyfeisiau (ffôn, cyfrifiaduron, tabledi) gyda chyfrinair, côd, neu glo biometreg.
- Gofalwch bod eich meddalwedd yn gyfredol - gwnewch yn siŵr eich bod chi'n gosod y diweddariadau diweddaraf.
- Defnyddiwch feddalwedd wrth-feirws da ar eich cyfrifiaduron - e.e. Mae Windows Defender yn rhad ac am ddim ac yn aml wedi'i osod yn barod.
- Gwe-rwydo (phishing) – dydy dolenni mewn e-byst ddim bob amser yr hyn maen nhw'n ymddangos, peidiwch â chlicio ar ddolenni amheus. Riportiwch unrhyw e-byst amheus i'r Ddesg Gymorth TG. Paranoia ydy'r arfer gorau o ran ymdrin â dolenni mewn e-bost.
- Defnyddiwch OneDrive i storio'ch dogfennau - mae'n ddiogel ac mae modd adfer y dogfennau.
Mae rhagor o wybodaeth am gamau diogelu ar gael yn y Canllawiau Diogelwch TG ar astudio
Systemau TG Hanfodol
Felly, pa feddalwedd a gwasanaethau fyddwch chi wir yn eu defnyddio ar gyfer eich gwaith o ddydd i ddydd yn y brifysgol?
Office 365
Mae yna danysgrifiad 'Office 365' ar gael ar gyfer pob myfyriwr/wraig ym Met Caerdydd.
Gallwch gael mynediad at Office 365 drwy'r porth portal.office.com, gan fewngofnodi gyda'ch cyfrif Office 365:
ST[student number]@outlook.cardiffmet.ac.uk
Office Suite
Mae eich tanysgrifiad yn caniatáu i chi osod yr 'Office suite' (sef Word, Excel, PowerPoint ac Outlook) ar nifer o ddyfeisiadau (cyfrifiadur PC/Mac, tabledi a ffonau).
Cewch ragor o wybodaeth am Microsoft Office yn yr adran 'Astudio/Study'
E-bost
Mae'n bwysig eich bod yn darllen eich negeseuon e-bost Met Caerdydd yn ddyddiol – neu gallech golli dod i wybod am rywbeth gwir bwysig!
Defnyddiwch y cyfeiriad hwn, NID eich cyfeiriad e-bost personol, ar gyfer unrhyw beth a phopeth i wneud â Met Caerdydd.
Eich Cyfeiriad e-bost
Dyma ydy fformat eich cyfeiriad e-bost:
ST[rhif myfyriwr]@outlook.cardiffmet.ac.uk
neu ffurf mwy cyfeillgar tebyg i hyn:
B.Jones@outlook.cardiffmet.ac.uk
Darllenwch eich gwybodaeth ymrestru i ganfod eich cyfeiriad e-bost cyfeillgar.
Mynediad i'ch e-bost
Gallwch gael mynediad i'ch e-bost drwy'r 'app' Outlook sydd ar portal.office.com, gan lofnodi gyda'ch cyfrif Office 365:
ST[rhif myfyriwr]@outlook.cardiffmet.ac.uk
Gallwch hefyd ffurfweddu (configure) eich ffôn neu fersiwn llawn pen-desg o Outlook gyda'ch e-bost.
Am ragor o wybodaeth, darllenwch y canllawiau am e-bost sydd ar gael ar 'Astudio/Study'.
Gwasanaethau Office 365
Mae yna fwy i gasgliad 'Office 365' na bod yn gasgliad o raglenni – mae yno hefyd 'apps' allweddol y byddwch chi'n eu defnyddio'n ddyddiol, sef Microsoft Teams ac OneDrive.
Microsoft Teams
Microsoft Teams ydy'r hyn fyddwch chi'n ei ddefnyddio i gydweithio â rhai eraill ar eich cwrs ac i gysylltu o hirbell gyda'ch tiwtor.
Byddwch yn cael darlithoedd, seminarau, cyfarfodydd un-wrth-un gyda Thiwtoriaid Personol a llawer mwy drwy raglen 'Teams'.
Mae 'Teams' yn 'app' sydd o fewn Office 365 a gallwch gael mynediad iddo drwy borth Office 365 portal.
Gallwch ganfod adnoddau 'Teams' dan y pennawd 'Cyfathrebu Digidol/Digital Communication' ar 'Digital Skills Moodle'
Dylai pob myfyriwr/wraig fynychu sesiynau hyfforddi Digital Essentials
OneDrive
Y cyfan fyddwch chi ei angen i storio eich dogfennau Met Caerdydd ydy 'OneDrive'.
Gallwch gael gafael ar eich dogfennau yn unrhyw leoliad, ar unrhyw ddyfais a gallwch rannu eich dogfennau'n ddiogel gydag unrhyw un drwy 'OneDrive'.
Cewch fynediad at 'OneDrive' drwy Office 365 portal.
Moodle
Moodle ydy'r amgylchedd dysgu ar-lein lle byddwch chi'n cael mynediad i'ch holl ddeunyddiau ar gyfer eich cwrs.
Caiff Moodle ei ddefnyddio ar gyfer y canlynol:
- Rhannu cynnwys y cwrs a manylion aseiniad gyda chi
- Cyflwyno eich aseiniadau ar-lein
- Cael gweld yr adborth i'ch aseiniadau
- Gweld eich graddau (yn amodol ar gael eu dilysu gan y bwrdd arholi)
App Store (AppsAnywhere)
Mae gennym ni ein storfa 'app' ein hunain ar eich cyfer!
Mae'n fan diogel a saff i chi lawrlwytho meddalwedd sydd ar gael am ddim gan Met Caerdydd!
Mae yno hefyd nifer fawr o 'apps' defnyddiol iawn, felly cymrwch olwg ar beth sydd ar gael.
Ewch ar AppsAnywhere.cardiffmet.ac.uk, a mewngofnodi gyda'r ID fel myfyriwr i gael chwilota a gosod eich dewis o 'apps'.
MyCardiffMet App
MyCardiffMet App yn dod â'r cyfan o fywyd Met Caerdydd ynghyd mewn dull hawdd i'w ddefnyddio ac mae'n cynnwys:
- Amserlenni
- E-bost
- Chwilotwr 'MetSearch'
- Digwyddiadau
- Manylion Bysiau
- Tiwtor Personol
- A llawer mwy!
Gellir ei lawrlwytho drwy Android ac Apple storfeydd app.
Y cyfan fydd eisiau arnoch chi fydd eich manylion Met Caerdydd i fewngofnodi, unwaith byddwch chi wedi gosod yr app.
Wi-Fi
Eduroam ydy'r gwasanaeth mynediad diogel, crwydrol, byd-eang, ddatblygwyd ar gyfer y gymuned ymchwil ac addysg yn rhyngwladol.
Mae Eduroam ar gael ar bob campws a neuadd breswyl. Unwaith byddwch chi wedi cysylltu, byddwch yn parhau mewn cysylltiad wrth deithio o gwmpas y campysau. Gallwch gysylltu gyda chymaint o ddyfeisiadau ag y dymunwch chi.
Cliciwch yma i ganfod sut mae cysylltu!
Argraffu a Sganio
Mae gan y ddwy Ganolfan Ddysgu, yn ogystal â rhai adeiladau eraill o gwmpas y campws, wasanaethau argraffu a sganio.
Bydd Print Studio yn darparu'r holl wybodaeth fyddwch chi ei angen am y mannau lle gallwch argraffu ynghyd â nifer o wasanaethau eraill maen nhw'n ei gynnig.
Benthyg Gliniaduron
Wyddech chi bod modd i chi gael benthyg gliniadur a hynny AM DDIM?
Bydd pob Gliniadur gyda rhaglenni Windows 10 arno gyda'r cyfan o feddalwedd arall fyddwch chi ei angen, ynghyd â chebl ail-wefru'r batri a chês i'r gliniadur.
Gallwch ei fenthyca am 2 wythnos ac adnewyddu'r drefn, os byddwch am ei gael am fwy na hynny!
Am ragor o wybodaeth am fenthyca gliniadur, ewch at yr adran am y gliniaduron ar Flash Guides.
Cyflwyniad i’r Llyfrgell
Have you completed the Library Induction yet? Ensure you do so to find and use the academic resources you need for your studies.